സമ്പര്ക്കം, ജന സമ്പര്ക്കം, പിന്നെ ജന സമ്പര്ക്ക യാത്ര
ഒരു ദിവസം ത്രിശ്ശൂര് ടൌണീക്കോടെ ഞാനും എന്റെ ചേച്ചീരെ മോനും കൂടി വണ്ടീല് പൂവായിരുന്നുട്ടാ. ചെട്ട്യങ്ങാടി എത്ത്യപ്പോ ഭയങ്കര ട്രാഫിക് ബ്ലോക്ക്. എന്താ സംഭവമ്ന്ന് വിചാരിച്ചിരിക്കുമ്പോ ഒരു അനൌണ്സ്മന്റ് കേട്ടു. "ഈ വാഹനത്തിനു തൊട്ടു പിറകിലായി നിങ്ങളുടെ പൊന്നോമന പുത്രന്..." എന്നൊക്കെ പറഞ്ഞട്ട് ഒരു സംഭവം. നോക്കുമ്പോ ഈ അനൌണ്സ്മന്റ് ചെയ്യണ വണ്ടീരെ തൊട്ട് പിന്നിലായിട്ട് വേറെ ഒരു വണ്ടീല് കോണ്ഗ്രസ്സിന്റെ... അയ്യോ, അല്ലാ!! (ഓരോരോ കാര്യങ്ങള് പറഞ്ഞ് ശീലിക്ക്യണേന്റെ ഓരോ കൊഴപ്പങ്ങളേയ്!) NCP-ടെ മുരളീധരന് ചില്ലൊക്കെ കേറ്റിട്ടട്ടൊള്ള ഒരു വണ്ടീലിര്ന്നട്ട് വരണു... മുമ്പില് ഒരു പോസ്റ്ററും കണ്ടു. "ജന സമ്പര്ക്ക യാത്രാ"ന്നു എഴ്തീട്ട്.
ഇങ്ങനെ ഏ സി വണ്ടീരെ ഉള്ളില് ചില്ലും കേറ്റിട്ടിര്ന്നാ എങ്ങിന്യാണ്ടപ്പാ ഈ ജന സമ്പര്ക്കം വര്ത്തണേന്ന് ഞാനൊരു ബ്രാക്കറ്റില് ആത്മഗതം എഴുതി. അപ്പൊ എന്റെ അനന്തരവന് പറയാ...
"കുഞ്ഞച്ചാ, ഇപ്പൊ ദേ നോക്ക്യേ, ഇത്രേം അധികം തിക്കി മുട്ടീട്ടല്ലേ ഈ ചെട്ട്യങ്ങാടീല് ആള്ക്കാര് നടക്കണേ?"
"അതേ"
"അപ്പൊ ഇത്രേം അധികം ആള്ക്കാര്ടെ എടേല്ക്കോടെ ഒള്ള യാത്രേനെ ജന സമ്പര്ക്ക യാത്രാന്ന് തന്ന്യല്ലേ പറയണ്ടേ?"
"ആണോടാ?"
"അല്ലാണ്ട് പിന്നെ! സംഗതി ജനോണ്ട്, യാത്രേംണ്ട്, പിന്നെ ജനങ്ങള്ടെ ഏടേല്ക്കോടെ പൂവുമ്പഴ്ത്തെ ഒരു സമ്പര്ക്കോം ണ്ട്ല്ലോ."
സംഗതി അവന് എന്നേക്കാളും മുന്പേ ഊഹിച്ചെട്ത്തേന്റെ ഒരു ചമ്മല് മറക്കാന് "മിണ്ടാണ്ടിരുന്നോ നീ അവടെ! അടി.. അടി..." എന്നും പറഞ്ഞ് കയ്യോങ്ങീന്ന്ണ്ടെങ്കിലും സമ്പര്ക്കത്തിന്റെ ഒരു പുതിയ നിര്വചനം പഠിക്കാന് പറ്റീന്നൊള്ളതാണ് നേര്.
Posted by Jo at 1:06 AM Permalink
4 Comments
kalakki !
Super Jo!!!
Kinginikuttante samparkkam karanam orupaad perkku joli kitti - flex adikkanum poster ottikkanum mattum!
Haha... athu sheriyaa! :-)
ഈ മലയാളം ബ്ലോഗ് ഇപ്പോഴാണ് കാണുന്നത്. എല്ലാം വായിച്ചു. രസമുണ്ട്. ഞാനും ഒരു തൃശ്ശൂക്കാരനാണേ..
Thank you Moorthy. :-) Thrissur evidyaa?
Post a Comment
Links to this post:
Create a Link
« Home